أحمد الله وأشكره قابل التوبه
أحمد الله وأشكره قابل التوبه
موجد المعدوم علّام الأحوالي
قلبي اللي توّ مـ أفتر دالوبه
جاب من زود الولع زين الأمثالي
السبب بالفيد وافيت رعبوبه
ذكرتني يالدريبي هوى بالي
ذكرتني جادلٍ دز مكتوبه
جالنا من نجد كزه لي الغالي
مرحباً بالخط وأهلاً (ا)بمندوبه
عد مايمطر (إ)من المزن همّالي
دامك اللي ماتكدّر (ا)بمشروبه
حالفٍ ماأطيع بك كل عذالي
حالي اللي من هوى الشوق مشذوبه
نابي الآرداف حبه برى حالي
يالدريبي دوره فوق ملجوبه
……………….. وأشهب اللالي
موجبٍ لك والمطاريش هنّو به
دوّره لعل تفداك الأنذالي
يالدريبي حضّب الجيش مركوبه
و(ا)ركب النضوات ماضيين الأفعالي
لابتي تقلط على الموت والشوبة
ربعي أولاد الجريسي هوى بالي
لابتي يسيرون ……. مصر و(ا)دروبه
…….. الحضران والبدو من تالي
منهن إلى الشام والشام دوروبه
وديرة السلطان والبندر العالي
لاندور جادلٍ ماتحاكوبه
للعبيدي يوم يشكي لي الحالي
صاحبه جبناه والناس دريو به
أثر خله من سلف ابن هذالي
أحمد الله يوم ربي قضى نوبه
جبت له ترف الحشا طيّب الفالي